Телефонлар:
(0372) 392-12-12
(0372) 392-14-92
» » ЯНГИ ЎЗБЕКИСТОННИНГ БИР ҚИСМИ БЎЛ!

ЯНГИ ЎЗБЕКИСТОННИНГ БИР ҚИСМИ БЎЛ!

05 август 2021 йил
87
0

   

 Бугунги кунда дунёда кузатилаётган коронавирус пандемияси сабабли кўпгина давлатлар аҳолини рўйхатга олишни ўтказиш муддатларини кейинги йилларга кўчириш чораларини кўришмоқда.

  Мамлакатимизда мустақиллик йилларида аҳолини рўйхатга олиш тадбири илк бор ўтказилаётганлигини инобатга олиб, тадбирга пухта тайёргарлик кўриш ва уни сифатли ўтказиш мақсадида, Ўзбекистон Республикаси Вазирлар Маҳкамасининг 2020 йил 11 ноябрдаги “Ўзбекистон Республикасида 2023 йилда аҳолини рўйхатга олишга тайёргарлик кўриш ва уни ўтказиш чора-тадбирлари тўғрисида”ги 710-сон қарори билан республикамизда аҳолини рўйхатга олиш тадбири 2023 йилда ўтказилиши белгиланди.

  Ушбу қарорнинг 6-бандида Қорақалпоғистон Республикаси Вазирлар Кенгаши, вилоятлар ва Тошкент шаҳар, туман ва шаҳарлар ҳокимликлари, Ўзбекистон Республикаси Давлат солиқ қўмитаси ҳузуридаги Кадастр агентлиги, унинг жойлардаги бўлимлари, Маҳалла ва оилани қўллаб-қувватлаш вазирлиги 2021 йил 1 апрелга қадар аҳоли пунктлари ва кўчалар ном белгиларини ўрнатиш, хонадон ва уйларни тўлиқ рақамлаш ишларини якунига етказиш ва 2023 йилда аҳолини рўйхатга олиш даврига қадар мунтазам равишда янгилаб борилишини таъминлаш вазифаси юклатилган.

  Зомин туманида бугунги кунда 94 та аҳоли пункти мавжуд бўлиб, туман кадастр бўлими томонидан уларнинг схематик хариталари ишлаб чиқилди. Тақдим этилган схематик хариталар статистика бўлими ходимлари томонидан жойларга чиққан ҳолда ўрганилиб, керакли жойларига тегишли ўзгартиришлар киритиб, туман кадастр бўлими билан ҳамкорликда ушбу хариталар такомиллаштирилиб борилмоқда. Маҳалла фуқаролар йиғинлари томонидан ҳар бир кўчага ном белгиларини ўрнатиш, ҳар бир хонадонга уй рақамлари белгиларини ўрнатиш ишлари якунига етказилмоқда. Маҳалла идоралари томонидан аҳоли пунктларида яшовчи фуқаролар рўйхатлари янгиланиб тақдим этиб борилмоқда. Бундан ташқари, рўйхатга олиш тадбирини аҳоли ўртасида кенг тарғиб қилиш мақсадида телевидение, радио орқали кўрсатув ва эшиттиришларда, аҳоли гавжум бўладиган жойлар (бозорлар, супермаркетлар ва х.к.) да ўрнатилган катта экранли монитор ва радиузелларда эълонлар бериб борилмоқда. ОАВ лар, жумладан, газета ва журналлар, ижтимоий тармоқларда, расмий веб-сайтларда мақолалар билан чиқишлар қилинмоқда. Ўрта-махсус таълими муассасаларида, умумтаълим мактабларида, маҳалла идораларида ҳамда бошқа ташкилот ва муассасаларда учрашув ва семинарлар ташкил этилиб, рўйхатга олиш тадбири юзасидан кенг тушунтириш ишлари амалга ошириб келинмоқда.

  Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари хузуридаги Ўзбекистон Республикасида 2023 йилда аҳолини рўйхатга олишни ўтказишга кўмаклашиш бўйича ҳудудий комиссиялар 2021 йилда (синов тариқасида) ва 2023 йилда аҳолини рўйхатга олишга тайёргарлик кўриш ва уни ўтказиш билан боғлиқ чора-тадбирларни белгиланган муддатларда ва сифатли амалга оширилишида, қолаверса янги Ўзбекистонни қуришда аҳолини рўйхатга олишда иштирок этувчи давлат органлари ўзига юклатилган вазифаларни сидқидилдан бажарса, аҳоли тўғрисида аниқ ва сифатли маълумот олиш, мамлакатни келгусида комплекс ривожлантириш, жумладан, республика ва ҳудудларни ижтимоий-иқтисодий ривожлантириш, янги иш ўринлари яратиш, аёллар ва болалар саломатлигини яхшилаш ва оилаларга ёрдам кўрсатиш бўйича дастурларни манзилли ишлаб чиқиш имкониятини беради.

Статистика бўлими

скачать dle 12.0
Муҳокамага қўшилинг
Фикр билдириш
Изоҳлар (0)
Фикр билдириш
Кликните на изображение чтобы обновить код, если он неразборчив
Фойдали ҳаволалар