ОЛИЙ МАЖЛИС ҚОНУНЧИЛИК ПАЛАТАСИ ДЕПУТАТИ ЗОМИНДА

Кеча хабар бериб ўтганимиздек, Олий Мажлис Қонунчилик Палатаси депутати Муқаддас Ўрозалиева 2 кунлик ташриф билан Зомин туманида бўлиб турибди.

Кеча депутат Оби-хает ҚФЙ ҳудудидаги мактабгача таълим ташкилоти ва 1-сектор ҳудудидаги "Тараққиёт" махалла фуқаролар йиғини да бўлган эди. Бугун Муқаддас Ўктамовна Даштобод шаҳридаги "Бунёдкор" маҳалласига ташриф буюрди.

Ташриф давомида унга "Бунёдкор" МФЙдаги ҳоким ёрдамчиси, депутатнинг Зомин тумани бўйича расмий вакили ва Махалла фаоллари ҳамрохлик қилишди.

Олий Мажлис депутати маҳалладаги бир қатор хонадонларга ташриф буюриб,  Олий Мажлис Қонунчилик Палатаси нинг доимий комиссиялар га йўлланган мурожаатлар бўйича ўрганиш олиб борди.

Мурожаат эгалари билан юзма-юз суҳбат давомида уларга тегишли тавсиялар берилди. Мурожаатда кўтарилган масалаларнинг ечими юзасидан амалга оширилиши лозим бўлган ишлар режаси  белгилаб олинди.

Шунинг билан Олий Мажлис Қонунчилик Палатаси депутати М. Ўрозалиеванинг туманимизга ташрифи ниҳоясига етди.

Зомин тумани ҳокимлиги

Ахборот хизмати