«Zomin Ultra» югуриш мусобақаси ғолиблари маълум бўлди
28-29 май кунлари Жиззах вилояти «Зомин» миллий табиат боғи ҳудудида «Zomin Ultra» ультрамарафони бўлиб ўтди.
Бу денгиз сатҳидан 2500 метр баландликда ўтказиладиган ноёб тоғ югуриш мусобақаси. Ушбу тадбир доирасида 28 май куни электрон мусиқа концерти ўтказилди. 29 май куни эса ультрамарафон бўлиб ўтди, унда иштирокчилар Туркистон тоғ тизмасининг қорли тоғларини томоша қилиш имконига эга бўлдилар.
«Zomin Ultra» ҳар йили ўтказиладиган мамлакат тарихидаги биринчи ультрамарафондир. Югуриш мусобақаси йўлаги денгиз сатҳидан 2200-2500 метр баландликда жойлашган бўлиб, бу 6 та Тошкент телеминорасининг баландлигига тенг. Беллашув бўлиб ўтадиган йўл ҳалқа кўринишида бўлиб, унинг айлана бўйича узунлиги 25 км.ни ташкил қилади.
Мусобақа ғолиблари қуйидаги масофаларда аниқланди:
50 км. масофадаги эркаклар ўртасида биринчи ўрин Артур Шаиповга, иккинчи ўрин Рафаэл Зиннуровга, учинчи ўрин Олег Парсеговга, хотин-қизлар ўртасида биринчи ўрин Малика Мақсудовага ҳамда иккинчи ўрин Дилфуза Аллаяровага насиб этди. 50 км. масофага жами 35 нафар ультрамарафончи маррага этиб келди.
21 км. масофага ғолиб бўлганлар эркаклар ўртасида биринчи ўринни Андрей Шаипов, иккинчи ўринни Семён Шадин, учинчи ўринни Семён Севастянов, аёллар ўртасида биринчи ўринни Наталя Питаева, иккинчи ўринни Диана Валиева, учинчи ўринни Альбина Авакянлар эгаллашди.
10 км. масофага эркаклар ўртасида биринчи ўрин Ғиёсжон Эркабоев, иккинчи ўрин Исроил Равшанов, учинчи ўрин Суҳроб Қобиловга насиб этган бўлса, хотин-қизлар ўртасида биринчи ўринни Мадина Сагатова, иккинчи ўринни Эъзозахон Ҳошимова, учинчи ўринни Ойнури Қўшмуродовлар эгаллашдилар.
Мусобақа иштирокчилари учун тўртта – 2, 10, 21 ва 50 км. Масофаларда ўтказилди. Ультра 50 км. масофада умумий кўтарилиш 1535 метрни ташкил қилади. Бу маршрут «Туркистон» ва «Малгузар» тизмаларининг барча платоларининг манзараларини намойиш этади. Маршрутнинг энг баланд нуқтаси денгиз сатҳидан 2500 метр баландликни ташкил қилади. 21 км.лик тоғ ярим марафони масофаси умумий кўтарилиш 635 метр.
Иштирокчилар маршрутда учта маҳаллий тоғ сойлари: «Катташир», «Қизилмозор» ва «Обикўл» дарёлари бўйлаб югуришди. 10 км. масофа маршрут бўйлаб 370 метр баландликка кўтарилиш билан ўтади, у ерда иштирокчилар «Қизилмозор» тоғ оқими ва Чўртанга канёнига киришни кўриш имконини берувчи кузатув майдончаси томон югуришди.
Югуришни энди бошлаганлар учун 2 км. масофадаги (ҳаваскорлар учун) йўлда баландликлар ҳам бор эди. Маршрут старт шаҳарча ва «Катташир» тоғ оқимининг панорамали кўринишини тақдим этади. Иштирокчиларни
қўллаб-қувватлаш учун югуриш йўли бўйлаб ҳар 5 км.да овқатланиш станциялари ташкил этилди.
Ўзбекистон Республикаси Маданият ва санъатни ривожлантириш жамғармаси Кенгаши раиси ўринбосари Саида Мирзиёева қуйидагиларни таъкидлади:
– Ультрамарафон «Самарқанд Маратҳон» хайрия марафонининг бир қисми бўлиб,
у ўз навбатида дунёнинг энг яхши 100 та югуриш мусобақаси қаторига киради!
2022 йилги югуриш мусобақасининг мақсади музейларга ташриф буюришда имконияти чекланган одамларнинг эҳтиёжларига мослаштиришдир. Зоминдаги йўл ўзининг ажойиб манзараси ва табиатнинг бойлиги билан ажралиб туради. У узоқ вақтдан бери бориш қийин бўлган йўл бўйлаб ўтади. Бу ўзингизни синаб кўриш учун ноёб имкониятдир!
Гаяне Умерова, Ўзбекистон Республикаси Маданият ва санъатни ривожлантириш жамғармаси ижрочи директори: – 2019 йилдан буён бутун дунёдан минглаб иштирокчиларни бирлаштирган Жамғарма томонидан ташкиллаштирган Самарқанд хайрия марафонини ўтказиб келмоқда.
Ҳар йили барча марафон иштирокчиларини хайрия мақсадлари бирлаштиради. Умид қиламизки, Зоминдаги марофон, ундан кейин Бухородаги ва Бўстонлиқ туманида ўтказиладиган мусобақалар «Самарқанд марафони-2022» мақсадини қўллаб-қувватлайди ва ушбу мавзуга қўшимча эътибор ва ресурсларни жалб қилишга ёрдам беради.
Мирхон Сагитов, Ўзбекистон Республикаси Маданият ва санъатни ривожлантириш жамғармаси Махсус лойиҳалар бўлими бошлиғи, «Самарқанд марафони» лойиҳаси куратори:
– Жорий йилда биз янги ноодатий тадбирни қўшдик ва тадбирларимиз тўртта йирик югуриш мусобақасига кўпайди: Зомин, Бухоро, Самарқанд ва Тошкент вилоятининг Бўстонлиқ туманидаги югуриш мусобақалари. Бухоро шаҳрида биз учун ҳам, мамлакат учун ҳам мутлақо янги форматда ўтказилади. Ноябрь ойида Самарқанд шаҳридаги марафон анъанавий тарзда бир қатор югуриш мусобақалари билан якунланади. Биз ишонамизки, янги марафон масофаси (42 км.) бутун дунёдан чет эллик иштирокчиларни жалб қилишнинг янги марказига айланади, бундан ташқари, бизнинг мусобақамиз жаҳон чемпионатининг саралаш мусобақасига айланиб улгурди.
Трассада 48 нафар кўнгиллилар ишлашди, улардан 25 нафари «Қизил ярим ой» жамияти томонидан махсус биринчи тиббий ёрдам кўрсатиш бўйича тренингдан ўтган. Бу йил «Zomin Ultra» АҚШ, Буюк Британия, Франция, Грузия, Россия, Беларус, Исроил, Ҳиндистон, Италия, Қозоғистон, Канада, Янги Зеландия, Япония, Жанубий Корея, Украина, Англия ва Ўзбекистон каби 20 га яқин давлатдан 1200 дан ортиқ иштирокчиларни бирлаштирди. Бутун мусобақа давомида 10 нафар тиббий кўнгилли навбатчилик қилди, 7 нафар тез ёрдам бригадаси соғлиқни сақлашга масъул бўлди.
«Zomin Ultra» халқаро тоғ ультрамарафони Ўзбекистон Республикаси Маданият ва санъатни ривожлантириш жамғармаси ташаббуси билан ташкил этилди. «Zomin Ultra» Самарқанд марафонининг бир қисми бўлиб, Жамғарма томонидан 2019 йилдан буён мамлакатимизнинг энг муҳим спорт тадбирига айланган «Самарқанд Марафони» хайрия марафони ўтказиб келинмоқда.
Марафон бундай маданият ва спорт фестивалларини ўтказишнинг янги тенденциясини белгилаб беради ва бутун дунёдан минглаб иштирокчиларни ўз ичига олади. Ҳар йили марафон иштирокчиларини хайрия мақсадлари бирлаштиради. Мусобақага кириш тўловларидан йиғилган маблағлар аудиогидлар, тактил расмлар ва зарур жиҳозларни харид қилишга сарфланади.
Зоминда, Бухорода ва Бўстонлиқ туманида ўтказиладиган бир қатор югуриш мусобақалари ҳам 2022 йилги хайрия мақсадини қўллаб-қувватлайди ва ушбу мавзуга қўшимча эътибор ва ресурсларни жалб қилишга ёрдам беради. Асосий мусобақа 2022 йил 6 ноябрь куни бўлиб ўтадиган Самарқанд марафони бўлади.