МУҲОКАМАЛАР ҚИЗҒИН ДАВОМ ЭТМОҚДА
“Ўзбекистон Республикаси Конституциясига ўзгартиш ва қўшимчалар киритиш тўғрисида”ги конституциявий қонун лойиҳаси муҳокамалари барча жамоат ташкилотларида, муассасаларда ва маҳалла фуқаролар йиғинида давом этмоқда.
Жумладан, Олий Мажлис Қонунчилик палатаси депутати Муқаддас Ўрозалиеванинг лойиҳа тарғиботи доирасидаги Жиззах вилоятига ташрифи давомида Зомин туманининг “Дуоба” қишлоқ фуқаролар йиғинида, “Оқтепа”, “Қайирма” ҳамда Ғ. Ғулом маҳалла фуқаролар йиғинларидамаҳалла фаоллари иштирокида йиғилишлар бўлиб ўтди.
Мазкур йиғилишларда Асосий қонунимизга киритилаётган ўзгартиш ва қўшимчалар б тўғрисида тўлиқ маълумотлар берилди. Аҳолининг лойиҳа юзасидан саволларига жавоб берилиб, билдирилган таклиф ва мулоҳазалар умумлаштирилди. Мазкур учрашувларда депутат М. Ўрозалиевага унинг Зомин тумани бўйича ишончли вакили З. Алимов, халқ депутатлари туман Кенгаши котибияти мудири М. Ғоибназаровлар ҳамроҳлик қилдилар.
Зомин тумани ҳокимлиги
Ахборот хизмати