Ўролбой Оққулов Президент томонидан “Дўстлик” ордени билан тақдирланди

Куни кеча Ўзбекистон Республикаси Президентининг “Ўзбекистон Республикаси мустақиллигининг ўттиз бир йиллиги муносабати билан давлат хизматчилари ҳамда ишлаб чиқариш ва ижтимоий-иқтисодий соҳалар ходимларидан бир гуруҳини мукофотлаш тўғрисида”ги фармони имзоланди.

Ушбу фармонга мувофиқ мамлакатимизнинг иқтисодий қудратини мустаҳкамлаш, барча соҳа ва тармоқларда ислоҳотларни муваффақиятли амалга ошириш борасидаги кўп йиллик самарали меҳнати, юртимиз тараққиёти ва халқимиз фаровонлигини таъминлаш, жамиятимизда тинчлик ва барқарорликни, миллатлараро тотувликни асраб-авайлаш, ёш авлодни Ватанга муҳаббат ва садоқат, миллий ва умуминсоний қадриятларга ҳурмат руҳида тарбиялаш ишларидаги ибратли фаолияти ҳамда ижтимоий ҳаётдаги фаол иштироки учун Халқ депутатлари Зомин тумани Кенгаши депутати, меҳнат фахрийси Оққулов Ўролбой Абдуғаниевич «Дўстлик» ордени билан тақдирланди.

Зомин тумани ҳокимлиги жамоаси Ў.Оққуловни юксак давлат мукофоти билан қизғин табриклаб қолади.