ZOMINDA HOTIRA VA QADRLASH KUNI MUNOSABATI BILAN ZOMINDA TANTANALI TADBIR BO‘LIB O‘TDI

2-Jahon urushi yillarida bizning Zomin tumanidan ham 5 mingdan ortiq mard o‘g‘lonlar yurt sarhadlariga yovni yaqin yo‘latmaslik maqsadida frontga otlanganlar.  Ana shu mard va jasur, yurt sha’ni, tinchligi, avlodlar xotirjamligi uchun jonini tikkan insonlar hurmati, o‘tganlarning ruhini shod etish, oramizdagi barchaga ibrat namunasi bo‘lmish bobokalonlarimizga ehtirom ko‘rsatish maqsadida har yili bo‘lgani kabi bu yil ham tuman markazidagi “Motamsaro ona” haykali va Hotira hiyobonida katta tadbirlar tashkil etildi.

  Tadbir mamlakat madhiyasi jarangi bilan boshlandi. So‘ngra, Zomin tumani hokimi Alisher Abdug‘aniev tadbirni rasman ochib berib, barcha yig‘ilganlarni 9 may – Hotira va Qadrlash kuni, umumxalq bayrami bilan samimiy muborakbod etdi.

   Tantanali tadbirda Motamsaro ona haykali poyiga gulchambarlar qo‘yilib, hurmat bajo keltirildi.

Hotira va Qadrlash kuni munosabati bilan joylarda turli ma’naviy-ma’rifiy tadbirlar davom etmoqda.

Zomin tumani hokimligi

Axborot xizmati