Farzandlar maktab bozoriga yo‘l oldi

1-sentyabr, har bir bola uzoq ta’tildan so‘ng jonajon sinfdoshlarini, o‘qituvchisini, maktab xonasini ko‘rishga oshiqadi. Buning uchun yangi kiyim-kechaklar, yangi o‘quv qurollari xarid qilish lozim bo‘ladi. Ammo shunday farzandlar borki, ushbu buyumlarni xarid qilishga yolg‘iz onasining qurbi yetmaydi. Bu xarajatlar farzandining ta’minoti uchun aliment to‘lovchi ayrim otalarning yodidan ko‘tariladi shekilli.

Ma’lumki, yurtimizda bolalarning barcha huquqlari qatori moddiy ta’minot olish huquqi ham qonun bilan kafolatlangan.

Xususan, Fuqarolik ishlari bo‘yicha Zarbdor tumanlararo sudining qaroriga asosan qarzdor M.Islomovdan undiruvchi F.Bo‘riboeva foydasiga bir nafar voyaga yetmagan farzandining moddiy ta’minoti uchun har oylik ish haqi va daromadining 1/4-qism miqdorida aliment undirish belgilangan ijro varaqasi byuroning Zomin bo‘limi ish yurituviga kelib tushgan.

Ijro harakatlari davomida qarzdor M.Islomovdan 18 million so‘m aliment qarzdorligi undirilib, F.Bo‘riboevaga topshirildi.

Kelgusida F.Bo‘riboeva tomonidan ushbu pullar farzandining kelajagi uchun sarf qilindi.