ХПИФА (МАПСФ) "Халқаро пенсия ва ижтимоий фондлар Ассотсиатсияси билан учрашув ўтказилди

Ўзбекистон Республикаси Молия вазирлиги ҳузуридаги буджетдан ташқари Пенсия жамғармаси ижро этувчи директори Хайдаров Абдулазиз Абдулахадович ва "Халқаро пенсия ва ижтимоий фондлар Ассотсиатсияси директори Аметов Евгений Кязимович иштирокида учрашув бўлиб ўтди.

Шунингдек, учрашувда Ижро этувчи директорнинг биринчи ўринбосари Турсунов Зоҳидхўжа Орифович, ижро этувчи директор ўринбосари Шадиходжаев Нуриддин Абдумаликовичлар иштирок этишди.

Ўтган 3 йил давомида амалга оширилган ишлар ва уларнинг натижалари таҳлил этилди. Шунингдек, 2022 йил давомида амалга оширилиши белгиланган вазифалар ва 2022-2030 йилларда Ўзбекистонда устувор ислоҳотларни амалга ошириш контсептсиясида кўзланган мақсадлар ҳақида суҳбатлашилди. Учрашувда икки томон вакиллари ўртасида Ўзбекистон Республикаси пенсия тизимини барқарорлигини таъминлаш юзасидан ўзаро фикрлар алмашилди.