Qonunning mazmun mohiyati tushuntirildi
Joriy yilning 04 mart kuni Zomin tumani Paxtakor mahalla fuqarolar yig‘ini ma’muriy binosida mahalla fuqarolari va faollar ishtirokida Jizzax viloyat sudining iqtisodiy ishlar bo‘yicha sudlov hay’ati sudyasi M.Fayazov hamda Zomin tumanlararo iqtisodiy sudi raisi Sh.Begmatovlar tomonidan O‘zbekiston Respublikasi “Odam savdosiga qarshi kurashish to‘g‘risida”gi Qonunining mazmun-mohiyati to‘g‘risida davra suxbatlari tashkil etilib, fuqarolarga ushbu Qonunning maqsad va vazifalari, Odam savdosiga qarshi kurashishning asosiy prinsiplari, Odam savdosiga qarshi kurashish sohasidagi davlat siyosatining asosiy yo‘nalishlari hamda Odam savdosiga qarshi kurashishni amalga oshiruvchi shuningdek unda ishtirok etuvchi organlar va tashkilotlar haqida tushuntirishlar berib o‘tildi.
Shuningdek, targ‘ibot tadbiri Zomin tumanidagi 43-maktab binosida o‘qituvchi va bitiruvchi sinf o‘quvchilari ishtirokida davom ettirilib, tadbir ishtirokchilariga O‘zbekiston Respublikasi Prezidentining 2023 yil 11 sentabrdagi “O‘zbekiston – 2030” strategiyasini 2023 yilda sifatli va o‘z vaqtida amalga oshirish chora-tadbirlari to‘g‘risidagi PQ-300-sonli Qarorining mazmun-mohiyati yuzasidan tushuntirishlar berib o‘tildi.
