Зомин туманида 2022 йил биринчи ярим йилликдаги openbudget натижалари ва ҳисобот

 Ўзбекистон Республикаси Президентининг 2021 йил 13 апрелдаги “Бюджет жараёнида фуқароларнинг фаол иштирокини таъминлаш бўйича қўшимча чора-тадбирлар тўғрисида”ги ПҚ-5072-сонли қарорига асосан Зомин туманида жорий йил 1 февралдан 22 февралга қадар openbudget.uz веб сайти орқали мавжуд маҳаллий муаммоларни бартараф этиш мақсадида туманда истиқомат қилувчилар учун аҳамиятга эга бўлган жами 270 та таклифлар билдирилди. 23 февралдан 4 мартга қадар ушбу таклифларнинг барчаси модерациядан ўтказилиб натижада 131 та ташаббус овоз бериш учун қабул қилинди. 139 ташаббус турли хил сабабларга кўра рад этилди. 5 мартдан 1 апрелга қадар 131 та ташаббус овоз бериш жараёнида иштирок этди. Якунда 7 та ташаббус ғолиб деб топилди. Булар:

- 1. Зомин тумани Чорвадор ҚФЙ Култепа қишлоғидаги 23-МТТ ва 33-мактабни газлаштириш - 3581 та овоз тўплаган.

- 2. Зомин тумани Истиқлол ҚФЙ Чапарашли қишлоғи ички кўчаларини асфальт қилиш – 3549 та овоз тўплаган.

- 3. Зомин тумани Истиқлол ҚФЙ Жарқишлоқ қишлоғи 55-мактабга олиб борувчи ички кўчаларини асфальт қилиш – 2264 та овоз тўплаган.

- 4. Зомин тумани Ш.Рашидов МФЙ Наврўз кўчасини асфальт қилиш – 2094 та овоз тўплаган.

- 5. Гулшан ҚФЙ Гулшан қишлоғи Бегойим ва Мироншох кўчаларини асфальт қилиш – 1745 та овоз тўплаган.

- 6. Зомин тумани Халқобод МФЙ Бўстонлиқ кўчасини асфальт қилиш – 1348 та овоз тўплаган.

- 7. Зомин тумани Бешкуби ҚФЙ Увол қишлоғи ички кўчаларини асфальт қилиш – 1283 та овоз тўплаган.

openbudget.uz веб сайти орқали ғолиб деб аниқланган юқоридаги таклифлар Халқ депутатлари туман Кенгашининг 2022 йил 27 апрелдаги VI-36-53-3-48-K/22-сонли қарорига асосан ғолиб деб топилди. Мазкур таклифларга шахсий ғазна ҳисоб рақамларини очиш, молиялаштириш ва манзилли дастурларини ишлаб чиқиб, тасдиқлаш белгиланди.

Юқоридаги 7 та таклифнинг амалга оширишнинг аниқланган қиймати 6002,4 млн. сўмни ташкил этади. Ғолиб таклифларни амалга ошириш учун барчасига хисоб рақамлар очилган ва маблағлар молиялаштириб берилган.

Йўлларни жорий таъмирлаш учун ғолиб бўлган таклифларга лойиха смета ишларини ишлаб чиқилиб экспертизадан ўтказилган. Пудратчилар etender.uzex.uz веб сайти орқали танлаб олиниб шартномалар тузилган. Ушбу шартномаларга асосан маблағлар пудратчиларга ўтказиб берилган. Ҳозирда барча ишлар якунланган ва 6 та йўл ташаббуси бўйича жами 9 335 метр йўл асфальт қилинган.

Халқ депутатлари Зомин туман Кенгашининг 2022 йил 22 февралдаги  VI-33-30-3-48-K/22-сонли қарори билан тасдиқланган “Зомин туман бюджети маблағларини жамоатчилик фикри асосида шакллантирилган тадбирларга йўналтириш тартиби тўғрисида”ги низомнинг 27-бандига асосан 2022 йил биринчи ярим йилликда жамоатчилик фикри асосида шакллантирилган тадбирларни молиялаштиришга йўналтирилган маблағлар яъни ташаббусли бюджетлаштириш натижалари бўйича маълумотлар иловаларга асосан шакллантирилган.

Ташаббусли бюджетлаштириш натижалари бўйича

МАЪЛУМОТ

Изоҳ:* Ушбу қаторда мазкур маълумотнинг 1-иловасидаги Фуқаролар ташаббуси жамғармасига ҳақиқатда ўтказилган маблағлар устунининг Жами ажратиладиган маблағлар қаторидаги маблағлар акс эттирилади.

** Ушбу қаторда мазкур маълумотнинг 2-иловасидаги Ажратилган маблағлар устунининг жами қаторидаги маблағлар акс эттирилади.

Ташаббусли бюджетлаштириш натижалари бўйича маълумотга
1-ИЛОВА

Фуқаролар ташаббуси жамғармаси маблағларини шакллантирилиши юзасидан

МАЪЛУМОТ

Ташаббусли бюджетлаштириш натижалари бўйича маълумотга
2-ИЛОВА

Фуқаролар ташаббуси жамғармасидан жамоатчилик фикри асосида шакллантирилган (ғолиб деб топилган) тадбирларни молиялаштириш учун йўналтирилган маблағлар юзасидан

МАЪЛУМОТ

Изоҳ:

* Тадбирни амалга ошириш қиймати устунида лойиҳа-смета ҳужжатларига асосан пудратчи ташкилотлар билан тузилган шартномада тадбирни амалга ошириш учун назарда тутилган қиймат акс эттирилади.