РАСМИЙ МУНОСАБАТ

Шу йилнинг 16 декабрь куни телеграмм ижтимоий тармоқларида Зомин тумани Даштобод шаҳарчаси "Нурафшон" маҳалласидаги катта йўл ёқасида ўсиб турган 1 туп арча дарахтини номаълум шахс томонидан кесиб кетганлиги акс этган видео лавҳа тарқалди. Мазкур видеолавҳа юзасидан  Зомин  тумани Экология ва атроф муҳитни муҳофаза қилиш бўлими қуйидагиларни маълум қилади: 2022 йилнинг 16 декабрь куни телеграмм ижтимоий тармоғида тарқалган видео лавҳа юзасидан Зомин тумани Экология ва атроф муҳитни муҳофаза қилиш бўлими ходимлари томонидан арча дарахти кесилган ҳудудга бориб, ўрганилганда,  мазкур ҳолатда Зомин тумани Даштобод шаҳар Ўзбекистон МФЙда яшовчи фуқаро Э.Ғ. томонидан ушбу арча дарахти янги йил байрами арчасини безатиш учун кесилганлигини аниқланди. Қонун бузилишига йўл қўйган фуқарога нисбатан МЖтКнинг 79-модда 1-қисмида назарда тутилган хуқуқбузарликни содир этганлиги учун қонуний чора кўришлик бўйича ҳужжатлар расмийлаштирилиб, ҳолат тўлиғича ўрганилмоқда.