ZOMIN TUMANI HOKIMINING QISHLOQ XO`JALIGI MASALALARI BO`YICHA O`RINBOSARI HISOBOTI TINGLANDI

2023-yil 18-fevral kuni xalq deputatlari Zomin tuman Kengashidagi Tadbirkorlar va ishbilarmonlar harakati – O‘zbekiston Liberal-demokratik partiyasi deputatlik guruhi tomonidan      O‘zbekiston Respublikasi Prezidentining 2022- yil  8-fevraldagi   “Chorvachilikni  yanada  rivojlantirish va chorva ozuqa bazasini mustahkamlash chora tadbirlari to‘g‘risida”  PQ-121sonli qarorining ijrosi yuzasidan tuman hokimining qishloq xo‘jaligi masalalari bo‘yicha o‘rinbosari X.Yaxshiboyevning hisoboti tinglandi. Hisobotda tumanda chorvachilikni  yanada  rivojlantirish va chorva ozuqa bazasini mustahkamlash bo‘yicha qilinayotgan ishlar yuzasidan to‘liq ma’lumotlar berildi.

Tumanda 2022-yilda 2 ta ya’ni bitta sut yo‘nalishida bitta go‘sht yo‘nalishida kooperatsiya tashkil etildi -deydi Xayrulla Yaxshiboev.  Jumladan,  “Qo‘ng‘irboy” fermer xo‘jaligi tomonidan 20 ta xonadonga chorva mollari berilib, ozuqa mahsulotlari bilan ham ta’minlanib borilmoqda. Yetishtirilgan sut mahsulotlarini  shu fermer xo‘jaligi tomonidan sotib olinib qayta ishlovchi korxonalarga yetkazib berilmoqda. Natijada,   20 ta xonadon  oila a’zolari bandligi  ta’minlangan. Shuningdek,  “Ardasher yangi chorvasi” fermer xo‘jaligi tomonidan 12 ta xonadon bilan shartnoma tuzilib, go‘sht yo‘nalishidagi qoramollar yetkazib berilib, xonadonlarda boqilgan chorva mollarini qayta sotib olinmoqda. Lalmi maydonlarini o‘zlashtiruvchi va gidroponika usulida chorva ozuqalarini yetishtiruvchi subyektlariga uskunalarni xarid qilish uchun xarajatining 20 % ni davlat byudjetidan qoplab berishi fermer xo‘jaliklari rahbarlariga  tushuntirib borilmoqda. Natijada, tumanda “Saloxiddin chorva invest” fermer xo‘jligi va “Nasldor dala chorvasi” fermer xo‘jaliklarida  gidroponika usulida sug‘orish tizimi  tashkil etildi.

Ozuqa bazasini mustahkamlash maqsadida, sug‘orilmaydigan yaylov yer maydonlarida chorva ozuqalarini yetishtirish maqsadida  tumanda 3 ta chorvachilik subyektlarida 300 gektar lalmi yer maydoni ajratildi. Tik quduq arteizianlari qazilib yomg‘irlatib va tomchilatib sug‘orish tashkil etilib, 300 gektar yer maydonlari o‘zlashtirildi, o‘zlashtirilgan  maydonlarga beda va makka ozuqalari ekildi

Deputatlar kun tartibidagi masala  bo‘yicha ma’ruzachiga savol va takliflar bildirishdi. Tuman hokimining qishloq xo‘jalik masalalari bo‘yicha o‘rinbosarining  hisoboti qoniqarli deb topildi.

O‘zLiDeP deputatlik guruhi a’zosi   M.G‘oibnazarov