RASMIY MUNOSABAT

"KOʻRINGANING KABI EMAS, ASLING KABI BOʻL"...deydi mashoyihlar. Shundayin bugun ijtimoiy tarmoqlarda koʻrilgan narsaning barchasi ham asl holatni ifodalay olmaydi. Masalan, ijtimoiy tarmoqlarda tarqalgan "Bozorga oʻhshaydi asli bu dunyo" degan purmaʼno jumla bilan boshlanuvchi xabarda Zomin tumanidagi Peshagʻor dehqon bozoridagi holat kecha olingandek bayon qilinibdi.

Aslida bu holat ancha avval - oʻsha xalq tilida "juma bozori" degan nom bilan mashhur Peshagʻor dehqon bozorining vaqtinchalik koʻchirilgan vaqtida olingan videolavha boʻlib, mazkur hudud hozirda koʻchatlar ekib, orastalangan hudud oʻrnida boʻlgan.

Bozor hududida taʼmirlash ishlari olib borilayotgani sababli, sotuvchilar vaqtincha bozor hududida emas, yoʻl chetida, oʻz holicha savdo qilayotgan joy tasvirga olingan.

Peshagʻor bozori maʼmuriyatining bizga bergan maʼlumotlariga qaraganda bu joylarga nihol ekilgan boʻlib, xozirda bozor boshqa joyga koʻchirilgan.

Vaqtinchalik holatlarda tugʻilgan noqulayliklarni boshqa maʼnoda ijtimoiy tarmoqqa joylash va asossiz ayblovlar bilan masʼul shaxslarga nisbatan toʻgʻridan toʻgʻri ayb yuklash qator qonunlarning buzilishiga sabab boʻlishini eslatib oʻtamiz.

Rasmiy munosabatga Peshagʻor dehqon bozori tomonidan taqdim etilgan foto va video materiallar ilova qilinmoqda.