Зоминда “Ватанпарварлар” ҳарбий–спорт мусобақаси давом этмоқда

Зомин туманида ўқувчи-ёшлари ўртасида Мудофаа вазирлигининг кубоги учун “Ватанпарварлар” ҳарбий-спорт мусобақасининг туман босқичига йўлланмани қўлга киритиш учун умумтаълим мактаблари ўқувчилари ўртасида мусобақалар давом этмоқда.

Бугунги мусобақалар туман 3-сектор ҳудудидаги умумтаълим мактаблари ўртасида бўлиб ўтди.
Беруний маҳалла фуқаролар йиғини ҳудудида жойлашган 50-сонли умумтаълим мактабида ташкил этилган мусобақада сектор ҳудудидаги 10 та мактаб жамоаси иштирок этди.
Мусобақа аввалида туман 3-сектор раҳбари, Даштобод ҳокими томонидан бундай мусобақаларнинг аҳамияти ва фойдали жиҳатларига тўхталиб ўтилди.

Ўқувчи-ёшлар мусобақа давомида биринчи тиббий ёрдам, сафда юриш, эстафета, қурол сочиш ва йиғиш каби шартлар доирасида беллашдилар.

 Мусобақа сўнгида ҳакамлар томонидан жамоаларнинг белгиланган шартлар бўйича тўплаган баллари ҳисобланди ва 1-ўринни 50-мактаб, 2-ўринни 29-мактаб, 3-ўринни 67-мактаб жамоаси қўлга киритди.

   Ғолиблар ташкилотчилар томонидан эсдалик совғалар ва Фахрий ёрлиқ билан тақдирланди.

Зомин тумани ҳокимлиги

Ахборот хизмати