Зоминда кўпкураш ҳарбий ватанпарварлик спорт мусобақалари давом этмоқда

Бугун Ўзбекистон Республикасининг “Ёшларга оид давлат сиёсати тўғрисида”ги Қонуни ҳамда Давлат раҳбарининг  ёшларга доир Фармон-қарорлари ижросини таьминлаш мақсадида “Миллий армия ёшлар нигоҳида” шиори остида Зомин тумани чегара олди маҳаллаларида ёшларни ҳарбий-ватанпарварлик, миллий аньана ва қадриятларимизга хурмат  руҳида тарбиялаш, маьнавий етук ва жисмонан соғлом, баркамол авлодни  вояга етказиш каби мақсадлар кўзланган “Кўпкураш”  ҳарбий-ватанпарварлик  мусобақасининг туман 3 – сектор босқичи бўлиб ўтди.

 Мазкур мусобақада Бахт маҳалласининг “Қалқонлар”, 25-сонли мактаб битирувчи ёшлари “Бургутлар” жамоаси Чилонзор маҳалласининг “Лочинлар”,  Гулистон маҳалласининг “Шумқорлар” ва  Ҳ.Олимжон махаллачининг “Темурийлар”  жамоалари  ўзаро беллашдилар.

  Мусобақада жамоалар “Буюк саркардаларимиз тарихидан” тезкор савол-жавоб, “Калашников” автоматини қисмларга ажратиш ва йиғиш,“street workout” усулларини бажариш, эстафета югуриш, камондан ўқ отиш шартлари доирасида беллашдилар.

 Муросасиз ўтган баҳсларда шохсупанинг энг юқори поғонасини Чилонзор маҳалласининг “Лочинлар” жамоаси, 2-ўринни  25-сонли мактаб битирувчи ёшлари “Бургутлар” жамоаси, 3-ўринни Бахт маҳалласининг “Қалқонлар” жамоаси қўлга киритди.

1 ўринни қўлга киритган Чилонзор маҳалласининг “Лочинлар” жамоаси туман сектор босқичига йўлланмани қўлга киритди.

 Мусобақалар маҳаллаларда давом этмоқда