Зоминда кўпкураш ҳарбий ватанпарварлик спорт мусобақалари давом этмоқда

Бугун Ўзбекистон Республикасининг “Ёшларга оид давлат сиёсати тўғрисида”ги Қонуни ҳамда Давлат раҳбарининг  ёшларга доир Фармон-қарорлари ижросини таьминлаш мақсадида “Миллий армия ёшлар нигоҳида” шиори остида Зомин тумани чегара олди маҳаллаларида ёшларни ҳарбий-ватанпарварлик, миллий аньана ва қадриятларимизга хурмат  руҳида тарбиялаш, маьнавий етук ва жисмонан соғлом, баркамол авлодни  вояга етказиш каби мақсадлар кўзланган “Кўпкураш”  ҳарбий-ватанпарварлик  мусобақасининг туман 2 – сектор босқичи бўлиб ўтди.

Мазкур мусобақада Пешоғор маҳалласининг “Лочинлар”, 5-сонли мактаб битирувчи ёшлари “Ватанпарварлар” жамоаси ва Нурликент маҳалласининг “Лочин”жамоаси ўзаро беллашдилар.

Мусобақада жамоалар “Буюк саркардаларимиз тарихидан” тезкор савол-жавоб,

“Калашников” автоматини қисмларга ажратиш ва йиғиш,“street workout” усулларини бажариш, эстафета югуриш, камондан ўқ отиш шартлари доирасида беллашдилар.

Муросасиз ўтган баҳсларда шохсупанинг энг юқори поғонасини Пешоғор маҳалласининг “Лочинлар” жамоаси, 2-ўринни  5-сонли мактаб битирувчи ёшлари “Ватанпарварлар” жамоаси, 3-ўринни Нурликент маҳалласининг “Лочин”жамоаси қўлга киритди.

1 ўринни қўлга киритган Пешоғор маҳалласининг “Лочинлар” жамоаси туман сектор босқичига йўлланмани қўлга киритди.

Мусобақалар маҳаллаларда давом этмоқда