Зоминда объектларнинг санитария-гигиена шароитларни ўрганиш бўйича Республика ишчи гуруҳи бўлди
Ҳозирда туризм намойиши объектларидаги санитария-гигиена шароитларни яхшилаш орқали аҳоли саломатлигини мустаҳкамлаш, турли касалликлар келиб чиқишининг олдини олиш, маҳаллий аҳоли ва туристлар учун зарур санитария-гигиена шарт-шароитларини яратиш орқали ҳудуднинг туристик салоҳияти ва жозибадорлигини янада ошириш энг муҳим масъулиятли вазифалардан бири эканлиги барчамизга маълум.
Шу мақсадда бугун Ўзбекистон Республикаси Вазирлар Маҳкамасининг 2022 йил 27 апрелдаги 203-Ф-сонли Фармойиши ижроси доирасида Республика ишчи гуруҳи Зомин туманида бўлди.
Ишчи гуруҳнинг ташрифидан кўзланган асосий мақсад, барча туризм намойиши объектларини уларнинг молиявий хўжалик фаолиятига аралашмасдан, уларда санитария-гигиена шохобчаларининг мавжудлиги ҳамда санитария қоидалари ва гигиеник нормативлари, шаҳарсозлик нормалари ва қоидалари талабларига мувофиқлиги бўйича хатлов натижаларини ўрганишдан иборат.
Шу мақсадда, меҳмонлар дастлаб туман Болалар-ўсмирлар спорт мактабида бўлишиб, ушбу объектда санитария-гигиена шохобчалари мавжуд эканлиги, улармнинг белгиланган талаблар даражасида ишлаши, санитария қоидалари ва гигиеник нормативлар бўйича жихозланганлиги кўриб чиқилди.
Ташриф давомида Ишчи гуруҳ томонидан туман масъулларига зарурий кўрсатмалар бериб ўтилди.
