Zomin tumani xalq qabulxonasiga mudir tayinlandi

 Zomin tuman hokimligi majlislar zalida tashkil etilgan yig‘ilish O‘zbekiston  Respublikasi  Prezidentining  Zomin  tumanidagi  xalq qabulxonasi  mudirini tayinlash bo‘yicha o‘tkazildi.

 Yig‘ilishda, Jizzax viloyat Xalq qabulxonasi mudiri Bayram Uzoqov, Zomin tuman hokimi 1-o’rinbosari Z.Omonqulov, tuman tashkilot va idoralari rahbarlari ishtirok etdi.

Dastlab, tuman  hokimi 1-o’rinbosari Z.Omonqulov Jizzax viloyat Xalq qabulxonasi mudiri Bayram Uzoqovga so‘z navbatini  berdi.

Bayram Uzoqov so‘zga chiqib, Zomin tumani xalq qabulxonasi faoliyatiga to‘xtalib o‘tdi.

 Shundan so‘ng, 2023 yilning  may oyidan buyon  O‘zbekiston Respublikasi Prezidentining   tuman xalq  qabulxonasi  mudiri  vazifasini  bajaruvchisi Duyshaboy Toshmatov o‘rniga Rashid Abduganiev Zomin tumani xalq qabulxonasi mudiri lavozimiga tayinlandi. 

 Rashid Abduganiev 1976 yilda Zomin tumanida to‘g‘ilgan. 1993 yilda  Toshkent davlat yuridik institutini tamomlagan.

 Uzoq yillar davomida ijro organi sohasida faoliyat yuritib kelgan. 2021-2023 yillarda Jizzax viloyati prokurorining qonuniylik va huquq-tartibotni ta’minlash muammolarini tahlil qilish bo‘yicha katta yordamchisi lavozimida ishlagan.