MAHALLA XOTIN-QIZLAR FAOLLARI FAOLIYATINI SAMARALI TASHKIL ETISH YUZASIDAN SEMINAR TRENING TASHKIL ETILDI

Zomin  tumani hokimligining kichik majlislar zalida O‘zbekiston Respublikasi Xotin-qizlarning jamiyatdagi ro‘lini oshirish, gender tenglik va oila masalalari bo‘yicha respublika komissiyasi raisi Tanzila Norboyevaning 2023 yil 24-noyabrdagi Xotin- qizlarning jamiyatdagi ro‘lini oshirish, gender tenglik va oila masalalari bo‘yicha respublika komissiyasi majlisi 8-sonli bayonnomasining kun tartibidagi masalasi "Mahallalarda xotin-qizlar faoli ishini samarali tashkil etish hamda oila va xotin-qizlar bilan ishlash bo‘yicha namunaviy tizim yaratish to‘g‘risida"gi belgilangan vazifalar ijrosini ta’minlash maqsadida tumandagi mahalla xotin-qizlar faollari uchun seminar trening tashkil etildi. Seminarda Oila va xotin qizlar qo‘mitasidan Jizzax viloyatga biriktirilgan vakil Nilufar Abdullayeva, Jizzax viloyat oila va xotin-qizlar boshqarmasi bo‘lim boshlig‘i Nargiza Abdurahmonova, tuman hokimi o‘rinbosari, Oila va xotin qizlar bo‘limi boshlig‘i Nigora Omonova tumandagi barcha  39 ta mahalla fuqarolar yig‘inlarida faoliyat yuritayotgan xotin-qizlar faollari va kichik ishchi gurux vakillari ishtirok etishdi.

Seminarda Jizzax viloyat oila va xotin-qizlar boshqarmasi bo‘lim boshlig‘i Nargiza Abdurahmonova hamda tuman hokimi o‘rinbosari, Oila va xotin qizlar bo‘limi boshlig‘i Nigora Omonova so‘zga chiqib, mahallalarda xotin-qizlar bilan ishlash tizimini takomillashtirish va ijtimoiy barqarorlikni ta’minlashda mutasaddi tashkilot va idoralar  tamonidan amalga oshiriladigan vazifalar xaqida batafsil tushunchalar berishdi.

Seminar trening davomida tumandagi 4 - sektor hududidagi “Mustaqillik” mahalla fuqarolari yig‘ini xotin-qizlar faoli Allanazarova Matlyubaning  faoliyati, oila institutini mustahkamlash va xotin-qizlarni qo‘llab-quvvatlash bo‘yicha mahallada amalga oshirilgan ishlari ommalashtirildi.

Seminar yakunida ishchi gurux vakillari bilan mahallalarda samarali ish olib borish ishlarni tashkil etish bo‘yicha rejalar tuzulib, vazifalar belgilab olindi.