ЭРТАКЛАР - ЯХШИЛИККА ЕТАКЛАР

Бола тарбиясида миллий эртак ва достонларнинг аҳамияти жуда мухим саналади. Зотан, ҳар бирида эзгуликни, яхшиликни, тўғриликни тарғиб қилувчи эртак ва масаллар, миллий эртак қаҳрамонларимиз, достонлардаги миллий қаҳрамонларнинг эзгулик ва ёвузлик ўртасидаги курашдаги матонати бола онгида кичик ёшлигиданоқ хайру саҳоват, яхшилик сифатларини ривожлантириб боради.

Зомин туманидаги “ЁРҚИН-ЮЛДУЗ-БОЙЧЕЧАК” номли ДХШНМТТда ташкил этилган “Тулки билан турна” эртак-томошаси ана шу мақсадларда саҳналаштирилди.

“Эртаклар – яхшиликка етаклар” шиори остида бўлиб ўтган тадбирни Одина Ўрозова, Рухсора Каримова, Юлдуз Хайруллаева ҳамда Мадина Абдулазизовалар маҳорат билан ташкиллаштира олдилар. Муассаса тарбияланувчилари эса эртак-томошани мириқиб кўриб, вақтларини мазмунли ўтказдилар.

Зомин тумани ҳокимлиги

Ахборот хизмати