Зоминда баскетбол бўйича вилоят чемпионати ўз ниҳоясига етди

Аввал хабар берганимиздек, бугун баскетбол спорт тури бўйича Зомин туманида 2008-2009 йилларда туғилган ўсмирлар ва қизлар ўртасида Жиззах вилояти чемпионати бўлиб ўтди.

Мусобақада вилоятимиз туманларидан жами 10 та жамоада 100 нафардан ортиқ ёшлар иштирок этишди. Кун давомида бўлиб ўтган мусобақа, қизғин ва муросасиз баҳсларга бой бўлди.

Якунда, ўғил болалар ва қизлар ўртасидаги баҳсларда 1-ўринни Жиззах шаҳри, 2-ўринни Пахтакор тумани, 3-ўринни мезбон Зомин тумани ёш спортчилари қўлга киритди.

Ғолиблар ва мусобақанинг фаол иштирокчилари ташкилотчилар томонидан диплом ва эсдалик совғалари берилди.

 Зомин тумани ҳокимлиги

Ахборот хизмати