Зоминда кўпкураш ҳарбий ватанпарварлик спорт мусобақалари 4-сектор босқичи ўз нихоясига етди

Бугун Ўзбекистон Республикасининг “Ёшларга оид давлат сиёсати тўғрисида”ги Қонуни ҳамда Давлат раҳбарининг  ёшларга доир Фармон-қарорлари ижросини таьминлаш мақсадида “Миллий армия ёшлар нигоҳида” шиори остида Зомин тумани чегара олди маҳаллаларида ёшларни ҳарбий-ватанпарварлик, миллий аньана ва қадриятларимизга хурмат  руҳида тарбиялаш, маьнавий етук ва жисмонан соғлом, баркамол авлодни  вояга етказиш каби мақсадлар кўзланган “Кўпкураш”  ҳарбий-ватанпарварлик  мусобақасининг туман 4 – сектор босқичи бўлиб ўтди.

 Мазкур мусобақада Туркман маҳалласининг “Қалқонлар”, 8-сонли мактаб битирувчи ёшлари “Бургутлар” жамоаси Чорвадор маҳалласининг “Лочинлар”, Дуоба маҳалласининг “Ватанпарварлар”  жамоалари  ўзаро беллашдилар.

 Мусобақада жамоалар “Буюк саркардаларимиз тарихидан” тезкор савол-жавоб, “Калашников” автоматини қисмларга ажратиш ва йиғиш,“street workout” усулларини бажариш, эстафета югуриш, камондан ўқ отиш шартлари доирасида беллашдилар.

 Муросасиз ўтган баҳсларда шохсупанинг энг юқори поғонасини Дуоба маҳалласининг “Ватанпарварлар” жамоаси, 2-ўринни  11-сонли мактаб битирувчи ёшлари “Бургутлар” жамоаси, 3-ўринни Туркман маҳалласининг “Қалқонлар” жамоаси қўлга киритди.

  1 ўринни қўлга киритган Дуоба маҳалласининг “Ватанпарварлар” жамоаси туман босқичига йўлланмани қўлга киритди.