ЗОМИН ТУМАНИ "ХАЛҚОБОД" МФЙ ДАГИ УЧРАШУВ ПРЕЗИДЕНТ МУРОЖАТИ МУҲОКАМАСИГА БАҒИШЛАНДИ

Зомин шаҳарчасидаги "Халқобод" маҳалла фуқаролар йиғинида туман ҳокими, 1-сектор раҳбари Алишер Абдуғаниев билан аҳоли ўртасида учрашув бўлиб ўтди.

Учрашувда Юртбошимиз томонидан иккала палата ва халқимизга йўлланган Мурожаатноманинг энг муҳим нуқталари ҳақида батафсил тўхталиб ўтилди.

Шу билан бирга, ўтиб бораётган 2022 йилда туман ҳокимлиги томонидан Давлат дастури ижроси бўйича маълумот берилиб, 2023 йилда амалга оширилиши лозим бўлган тадбир режаси билан қисман таништириб ўтилди.

Қизғин савол-жавоблар, муҳокамалар асосида ўтган тадбирда мурожаатчилар томонидан билдирилган масалалар юзасидан тегишли қарорлар қабул қилинди.

Зомин тумани ҳокимлиги

Ахборот хизмати