Zomin tumanidagi “Oqtepa” mahalla fuqarolar yig‘inida jinoiy va ma’muriy huquqbuzarliklarni oldini olishga qaratilgan davra suhbati bo‘lib o‘tdi

Joriy yilning 9 noyabr kuni Zomin tumanlararo iqtisodiy sudi raisi Sh.Begmatov tomonidan mahalla faollari va profilaktika inspektorlari ishtirokida jinoyatchilik ortganligi sababli qizil toifaga tushib qolgan Zomin tumanidagi  “Oqtepa” mahalla fuqarolar yig‘inida jinoiy va ma’muriy huquqbuzarliklarni oldini olishga qaratilgan davra suhbati bo‘lib o‘tdi.

 Tadbirda fuqarolarning huquqiy madaniyatini oshirish, mayyan xunarga ega bo‘lmagan shaxslarni kasbga yo‘naltirish, salbiy ilatdan yiroq namunali xulq-atvorga ega shaxs bo‘lishiga erishish, ularning hayotini yaxshilash borasida suxbat bo‘lib o‘tdi.

 Yig‘ilishda targ‘ibot ishlarini kuchaytirish, mahalla fuqarolar yig‘inlari bilan huquqni muhofaza etuvchi organlar o‘rtasida hamkorlikni kengaytirish lozimligi ta’kidlandi.

 Shuningdek, hududdagi jinoyatchilik ahvoli, qaysi toifadagi jinoyat va huquqbuzarliklar ko‘payganligi, bugungi kunda oilaviy nizolarning kelib chiqish sabablari, xotin-qizlarga nisbatan tazyiq va zo‘ravonliklarning oldini olish, zo‘ravonlikka uchragan shaxslarni tegishli idoralarga murojaat qilishtartiblari haqida ma’lumot berib o‘tildi. Yig‘ilish so‘nggida ishtirokchilarga ularni qiziqtirgan masalalar yuzasidan batafsil huquqiy tushuntirishlar berildi.