11-yanvar - Xalqaro qo‘riqxonalar va milliy bog‘lar kuni
11-yanvar - Xalqaro qo‘riqxonalar va milliy bog‘lar kuni
Shu munosabat bilan Jizzax Davlat pedagogika universitetida Jizzax viloyati Ekologiya, atrof-muhitni muhofaza qilish va iqlim o‘zgarishi boshqarmasi, Zomin milliy tabiat bog‘i, Zomin va Nurota davlat qo‘riqxonalari bilan hamkorlikda ko‘rgazmali seminar tashkil etildi.
Seminarda JDPUning talaba, o‘qituvchi va ilmiy xodimlari, viloyat Ekologiya boshqarmasi, Zomin milliy tabiat bog‘i va qo‘riqxonalar xodimlari ishtirok etdi.
Universitetning geografiya va iqtisodiy bilim asoslari kafedrasida o‘tkazilgan seminarda Zomin milliy tabiat bog‘i direktori o‘rinbosari H. Hazratulov, Zomin davlat qo‘rixonasi ilmiy bo‘lim mudiri Q. Turatov, kafedra mudiri M.Gʻo‘dalovlar so‘zga chiqib, mamlakatimizdagi mavjud muhofaza etiladigan tabiiy hududlar biologik xilma-xillikni saqlashning muhim markazlari hisoblanishi, qo‘riqxonalar va milliy bog‘lar xodimlarining vazifasi o‘simlik va hayvonlarning genetik fondini saqlash, ilmiy-tadqiqot ishlarini olib borish, muhofaza etiladigan hududlarning o‘simlik va hayvonot dunyosini brakonerlardan himoya qilish ekanligi, shuningdek, hududda turizm va ekoturizmni rivojlantirish istiqbollari hamda ushbu ekologik sanani o‘tkazishdan maqsad ona-tabiatni muhofaza qilishni kengroq targ‘ib etish ekanligi haqida gapirdilar.
Seminarda muhofaza etiladigan hududlar faoliyatiga bag‘ishlangan filmlar namoyish etildi. Tabdir so‘nggida JDPUga hamkor tashkilotlarning esdalik sovg‘alari topshirildi.
