ZOMINDA PILLACHILIK SOHASINI YANADA RIVOJLANTIRISH, ISH BILAN BAND BO‘LMAGAN XOTIN-QIZLARNI SOHAGA KENG YO‘NALTIRISH YUZASIDAN SEMINAR TASHKIL ETILDI
Pillachilik yurtimiz qishloq xo‘jaligining muhim tarmoqlaridan sanalishi bilan birga, ipak ishlab chiqarish ota-bobolarimizning boy madaniy merosi hamdir. Shu bois, mazkur qadriyatni davom ettirish bugungi davrning muhim masalalaridan sanaladi.
Zomin tumanida O‘zbekiston Respublikasi Prezidentining 2023-yil 1-iyundagi “Pillachilik sohasida kasanachilikni qo‘llab-quvvatlash hamda pilla yetishtirish uchun ozuqa bazasini yanada kengaytirishning qo‘shimcha chora-tadbirlari to‘g‘risida”gi PF-85-sonli farmoni ijrosini ta’minlash, tumanda vaqtincha ish bilan band bo‘lmagan xotin-qizlarni pillachilik sohasida kasanachilikka yo‘naltirish yuzasidan seminar tashkil etildi.
Seminarda pillachilik sohasi mutaxassislari, mahallalarda faoliyat yuritayotgan xotin-qizlar faollari ishtirok etishdi.
Seminarda so‘zga chiqqan tuman hokimining o‘rinbosari, oila va xotin-qizlar bo‘limi boshlig‘i Nigora Omonova, “Zomin asl ipak tolasi” mas’uliyati cheklangan jamiyati ish yurutuvchisi Q.Xo`jabekov hamda B.Xudoyorovlar mahallalarda vaqtincha ish bilan band bo‘lmagan xotin-qizlarni pillachilik sohasida kasanachilikka yo‘naltirish, kasanachilar uchun yaratib beriladigan shart-sharoit va imkoniyatlar haqida so‘z yuritdilar.
Seminar yakunida ishtirokchilar o‘zlarini qiziqtirgan savollar yuzasidan murojaat qilishib, tegishli javob olishdi.
Тавсия этамиз:
![Zominda aholini kichik va o'rta biznesga keng jalb qilish bo'yicha o'quv seminar bo'lib o'tdi](/uploads/posts/2024-01/thumbs/1706348840_photo_2024-01-27_14-45-18.jpg)
![MAHALLA XOTIN-QIZLAR FAOLLARI FAOLIYATINI SAMARALI TASHKIL ETISH YUZASIDAN SEMINAR TRENING TASHKIL ETILDI](/uploads/posts/2023-12/thumbs/1703075183_photo_2023-12-20_17-24-39.jpg)
![Zomin tumanida oilaviy mehmon uylarini tashkil etish va boshqarish ko‘nikmalari bo‘yicha seminar-trening tashkil etildi](https://jizzax.uz/uploads/posts/2023-07/1689679576_2023-07-18_162552.jpg)
![ZOMIN TUMANI HOKIMINING QISHLOQ XO`JALIGI MASALALARI BO`YICHA O`RINBOSARI HISOBOTI TINGLANDI](/uploads/posts/2023-02/medium/1676891028_photo_2023-02-20_16-00-54.jpg)